एघारौँ  राष्ट्रिय महाधिवेशन 
नेकपा (एमाले)को ११औँ राष्ट्रिय महाधिवेशन (२०८२ मङ्सिर २७–पुस २ सम्म) काठमाडौंमा सम्पन्न भएको छ । ‘निर्णायक राष्ट्रिय शक्ति निर्माण हाम्रो सङ्कल्प ! समृद्ध नेपाल, सुखी नेपाली हाम्रो गन्तव्य’ मूल नारा तय गरिएको महाधिवेशनले केपी शर्मा ओलीको अध्यक्षतामा ३०१ सदस्यीय नयाँ केन्द्रीय कमिटी निर्वाचित गरेको छ । अध्यक्ष ओली ११औं महाधिवेशनबाट तेस्रो कार्यकालका लागि पुनः अध्यक्षमा निर्वाचित हुनुभएको हो । उहाँसँग अध्यक्षका लागि बरिष्ठ उपाध्यक्ष ईश्वर पोखरेलले प्रतिस्पर्धा गर्नुभएको थियो । 
मङ्सिर २७ गते भक्तपुरको सल्लाघारीमा हजारौंको जनसहभागितामा भव्य समारोहबीच उद्घाटन समारोह सम्पन्न भएको थियो । महाधिवेशनको उद्घाटन अध्यक्ष ओलीले गर्नुभएको थियो । मङ्सिर २८ गतेदेखि काठमाडौंको भृकुटीमण्डपमा शुरू भएको बन्दसत्र अन्तर्गत नेतृत्व चयनका लागि निर्वाचन भएको थियो । अध्यक्ष ओलीले १६६३ मत प्राप्त गर्नुभएको थियो । अध्यक्षका अर्का प्रत्यासी पोखरेलले ५६४ मत प्राप्त गर्नुभएको थियोे । 
महाधिवेशनले केन्द्रीय कमिटीका पाँच उपाध्यक्षमा विष्णुप्रसाद पौडेल, रामबहादुर थापा ‘बादल’, पृथ्वी सुब्बा गुरुङ, गोकर्ण विष्ट र रघुजी पन्तलाई निर्वाचित ग¥यो । महासचिवमा शंकर पोखरेल निर्वाचित हुनुभएको छ । यो उहाँको दोस्रो कार्यकाल हो । उहाँले एक हजार २२८ मत प्राप्त गरी महासचिवमा विजयी हुनुभयो भने प्रतिस्पर्धी सुरेन्द्र पाण्डेले ९९९ मत प्राप्त गर्नुभएको थियो । 
उपमहासचिवमा लेखराज भट्ट, रघुवीर महासेठ र योगेश भट्टराई निर्वाचित हुनुभयो । नौ जना सचिवमा छविलाल विश्वकर्मा, पद्मा अर्याल, खगराज अधिकारी, भानुभक्त ढकाल, महेश बस्नेत, डा.राजन भट्टराई, शेरधन राई र हिक्मतकुमार कार्की निर्वाचित हुनुभयो । 
महाधिवेशनले केन्द्रीय अनुशासन आयोगको अध्यक्षमा प्रा.डा.भरत पहारी र केन्द्रीय लेखा आयोगको अध्यक्षमा डा. पुष्प कँडेलसहित दुबै आयोगका पदाधिकारी र सदस्य पनि निर्वाचित गरेको छ । दुबै आयोगका अध्यक्ष र पदाधिकारीहरू निर्विरोध निर्वाचित हुनुभएको हो । महाधिवेशनमा देशभर र प्रवासबाट समेत गरी दुईहजार २६३ जना प्रतिनिधि सहभागी थिए ।
महाधिवेशनबाट निर्वाचित अध्यक्ष, अन्य पदाधिकारीहरू र केन्द्रीय सदस्यहरूको नामावली यस प्रकार छः

केन्द्रीय कमिटीका पदेन सदस्यहरू

केन्दीय आयोग